Policia po heton nëse përplasja midis një avioni të Japan Airlines dhe një avioni të Japan Coast Guard Dash 8 në një aeroport të Tokios mund të ketë ndodhur për shkak të një neglizhence profesionale. Mediat raportuan se autoritetet e transportit filluan të inspektojnë rrënojat e djegura për të dhëna.
Të 379 personat shpëtuan mrekullisht nga Airbus A350 i Japan Airlines (JAL), i cili shpërtheu në flakë pasi u përplas me një avion të Rojës Bregdetare De Havilland Dash-8, pak pasi u ul në aeroportin Haneda të martën e 2 janarit në mbrëmje. Ndërsa pesë nga gjashtë ekuipazhet e rojes bregdetare, vdiqën.
Mbi 100 fluturime kryesisht të brendshme në aeroportin Haneda janë anuluar për shkak të rrëzimit të avionit.
Ndërsa hetimet për atë që ndodhi vazhdojnë, ekspertët thonë se evakuimi i suksesshëm vjen si pasojë e një kombinimi të standardeve moderne të sigurisë dhe kulturës rigoroze të sigurisë së Japan Airlines.
“Nga ajo që pashë në pamje, u befasova dhe u lehtësova që të gjithë dolën jashtë”, thotë Graham Braithwaite , profesor i sigurisë dhe hetimit të aksidenteve në Universitetin Cranfield të Mbretërisë së Bashkuar.
“Është një ndikim kaq i rëndë që çdo avion duhet të përballojë. Por, duke ditur atë që di për atë linjë ajrore dhe sa përpjekje ata bënë për sigurinë dhe trajnimin e ekuipazhit, fakti që ata bënë një punë kaq të mirë nuk duhet të jetë aq befasuese. Në fakt, ishte një aksident katastrofik gati 40 vjet më parë që ndihmoi në shndërrimin e Japan AIrlines në një linjë ajrore kaq të sigurt”, thotë ai.
Më 12 gusht 1985, fluturimi JAL 123 nga Tokio në Osaka u rrëzua, duke vrarë 520 nga 524 në bord, duke u bërë aksidenti më vdekjeprurës me një avion në historinë e aviacionit.
Gati katër dekada më vonë, rrëzimi ka ende një efekt të thellë në mentalitetin e kompanisë, thotë ai.
“Ata kanë një kulturë shumë strikte rreth procedurave standarde të funksionimit dhe duke bërë gjithçka siç duhet. Kjo është një nga arsyet në këtë rast, mendoj se ekuipazhi duket se ka performuar kaq mirë,” thotë ai.
Ndërsa nuk është e qartë se kush ishte fajtori për rrëzimin e së martës, Braithwaite thotë se evakuimi i suksesshëm është “absolutisht” pozitiv për Japan Airlines.
