Ka përfunduar zyrtarisht ditën e sotme Censi për regjistrimin e popullsisë dhe banesave
Instituti i Statistikave (INSTAT) njoftoi se po vazhdohet puna për verifikimin në terren të statusit të banesave dhe refuzimeve, deri në datë 24 nëntor.
“Për vlerësimin e cilësisë së procesit dhe mbulimin, prej datës 20 Nëntor – 20 Dhjetor 2023, INSTAT do të organizojë Anketën Pas Cens sipas rekomandimeve të Kombeve të Bashkuara dhe Bashkimit Evropian, në 100 Zona Numërimi, të shpërndara në të gjithë territorin e vendit. Ky proces do të angazhojë 100 anketues dhe 25 kontrollorë të cilët do të trokasin përsëri në dyert e qytetarëve, në zonat e përzgjedhura”, thuhet ndër të tjera në njoftimin në INSTAT.
