Ish-kryeministri Sali Berisha ka deklaruar edhe njëherë se SPAK ka shkelur kushtetutën për masën e sigurisë “detyrim paraqitje”, duke mos e lejuar që të mos dalë jashtë Shqipërisë.
Në një intervistë për “Syri Tv”, Berisha thotë se nuk mund t’i kufizohet lëvizja për sa kohë është deputet i parlamentit të Shqipërisë.
Ish-kryeministri thotë se nuk ka asnjë njoftim që nesër në orën 14:00 duhet të paraqitet në Gjykatën e Posaçme.
Fjala e Berishës:
Nuk kam asnjë njoftim. Nuk refuzoj kurrë të paraqitem në gjykatë apo në prokurori, por në rastin konkret, ka një bllokim të plotë kushtetues në këtë rast, i cili vjen pasi unë bëra çdo përpjekje në pushtet që ta zhduk këtë pengesë. Kam qenë dhe jam i mendimit, se pavarësisht nga çdo çmim, njerëzit duhet të jenë në kushtetutë të barabartë. Në tërësi, për fat të keq nuk janë, por ama ka vende që i kanë. Ka vende që deputetin, për një arsye ose tjetër, e merr polici, hajde te unë njëherë se dua të merrem me ty. Kurse kur unë e dërgova këtë nen për heqje të plotë të kufizimit të organeve të drejtësisë ndaj deputetëve, Edi Rama e hodhi poshtë në mënyrë kategorike. Në praktikë, ai refuzoi kërkesën e Saimir Tahirit. Unë jam në këtë situatë, të shkel Kushtetutën, nuk e shkel. Ta paraqesin siç është Kushtetuta, e cila thotë në mënyrë taksative se deputetit nuk mund t’i kufizohet liria në asnjë forme, pa miratimin e Kuvendit. Unë Kushtetutën nuk e shkel kurrë! Mblidh parlamentin, siç thotë Kushtetuta. Vetë e ke bërë. Unë kam qenë në variantin tjetër, po u paraqit kjo në parlament, unë e miratoj.
