Ish-kryeministri Sali Berisha do të merret në pyetje gjatë së martës në orën 14:00.
Gjykata e Posaçme ka caktuar 24 tetorin, datën kur Berisha duhet të paraqitet në gjyq për t’u marrë në pyetje lidhur me akuzën për korrupsion pasiv në rastin e privatizimit të ish-kompleksit Partizani.
“Gjykata e Posaçme e Shkalles se Pare per Korrupsionin dhe Krimin e Organizuar, ne daten 24.10.2023, dite e Marte, ora 14:00, ka caktuar seancen gjyqesore te marrjes ne pyetje te personit nen hetim Sali Berisha, bazuar nenit 248 pika 1 te K.Pr.Penale”, thuhet në reagim.
Ndërkohë dhëndri i Berishës, Jamarbër Malltezi ndodhet pas hekurave për privatizimin e ish-kompleksit Partizani, ndërsa ndaj Berishës, është caktuar masa e sigurisë “detyrim paraqitje” dhe bllokimi i pasaportës për të dalë nga vendi./Opinion.al
