Pesë emisarët evropianë dhe ai amerikan kanë mbërritur në ndërtesën e qeverisë së Kosovës, ku po zhvillojnë një takim me kryeministrin e Kosovës, Albin Kurti.
Pesëshja diplomatike përbëhet nga emisari special i BE-së për dialogun Kosovë-Serbi, Mirsolav Lajçak, zëvendës ndihmës sekretari i ShBA-së, Gabriel Escobar, bashkë me këshilltarët e liderëve të Gjermanisë, Francës dhe Italisë.
Ditën e djeshme, Kurti deklaroi se kërkesat dhe ofertat e tyre do merren vesh gjatë takimit që do ta ketë me ta.
“Ç’ka do të kërkojnë e ç’ka do të ofrojnë e marrim vesh nesër. Unë mund të them se nuk mund të kemi normalizim pa siguri dhe siguria e Kosovës duhet të jetë prioritet edhe për institucionet e shtetit edhe për popullin e shoqërinë”, tha Kurti.
Ky takim vjen gati një muaj pas agresionit të Serbisë ndaj Kosovës më 24 Shtator në Banjskë ku u vra rreshteri Afrim Bunjaku.
Pas vizitës që pesë emisarët do ta kenë në Kosovë, ata pritet që menjëherë të vizitojnë edhe Serbinë.
