Michal Probierz është trajneri më i ri i kombëtares polake. Pas humbjes 2-0 ndaj Shqipërisë në ndeshjen e luajtur në “Air Albania” e vlefshme për EURO 2024, Fernando Santos u shkarkua dhe në vend të tij u emërua Probierz.
Ai është një nga trajnerët polakë më të vlerësuar, madje është etiketuar si “Guardiola polak”. Trajneri i ri është punonjës i federatës që nga korriku i vitit të kaluar, kur mori në dorë kombëtaren U-21.
Probierz arriti ta udhëheqë atë në 10 ndeshje, duke fituar pesë prej tyre përfshirë dy në kualifikueset e Kampionatit Evropian, duke barazuar tre dhe duke humbur dy. Ai njihet edhe si një njeri i afërt me kreun e Federatës, Cezary Kulesza.
