“Kanabisi bum të madh në Shqipëri, të huajt e mendojnë si vend që blihet lehtë dhe lirë”

I ftuar në emisionin “Rudina” në Tv Klan, avokati Kujtim Cakrani thotë se kanabisi ka pasur një bum të madh në Shqipëri, teksa ka shtuar se kryesisht italianët e mendojnë Shqipërinë si një vend ku lënda narkotike blihet lehtë dhe lirë.

Kujtim Cakrani: Lënda narkotike kanabis ka pasur një bum shumë të madh dhe në Shqipëri të huajt dhe sidomos italianët kërkonin kanabis sepse e mendojnë Shqipërinë si një vend që blihet lehtë dhe lirë. E mendojnë Shqipërinë si një vend që mund të gjendet kollaj. Nuk e marrin paarsysh fare ligjin.

Gazetarja Glidona Daci shton se kjo verë, bumit të madh të turistëve, ka sjellë edh kërkesa për ekstazi.

Glidona Daci: Kjo verë, përveç bumit të madh të turistëve, ka sjellë dhe kërkesa për ekstazi. Ka pasur edhe raste të tjera kur janë kapur sasi të madhe. Shumica e atyre që janë përdorues të lëndëve narkotike, i kishe në bregdet në shezlongë duke përdorur lëndë narkotike të ndryshme./ Tv Klan