Kryeministri, Edi Rama, në një konferencë për mediat së bashku me ministren e Energjetikës dhe Infrastrukturës, Bleinda Balluku, ka folur rreth gjetjes së naftës në malin e Shpiragut në Berat.
Rama tha se nafta e zbuluar në këtë mal është e një cilësie të lartë e njëjtë me naftën premium me Arabinë Saudite.
Ai shtoi se krahas punimeve në Shpirag kompania italiane “Eni” ka vijuar me kërkimet në fushën e Dumresë në Divjakë, ku gjithashtu ka të dhëna optimiste, por puna është në një fazë më fillestare.
“Në Shqipëri ka filluar kërkimet në fushën e Dumresë, ku një tjetër kolos global në fushën e shfrytëzimit të burimeve nëntokësore natyrore, kompania italiane ‘Eni’ është në punë. Kemi të dhëna optimiste por puna është në një stad pak më fillestar sepse kompania italiane hyri në punë para pandemisë, por pandemia solli një bllokim të gjatë të procesit”, -tha Rama.
