Gjatë mbrëmjes së të hënës, anija “Butrinti”, pjesë e misionit “Sea Guardian” në detin Egje, ka realizuar tre operacione SAR.
3 gomone me 37 emigrantë të paligjshëm janë shpëtuar nga rreziku, në tentativë për të kaluar në ujërat greke.
Fatmirësisht të gjithë personat gëzojne shëndet të mirë.
“Kalimi i paligjshëm në detin Egje është një sfidë e madhe, jo vetëm për Aleancën e NATO-s, por edhe për vendet tranzit që duhet të përballojnë një fluks të vazhdueshëm të emigrantëve të paligjshëm.
Besimplotë, se vetëm përmes bashkëpunimit, mund të adresojmë këtë sfidë dhe të garantojmë jetën dhe sigurinë e të gjithë atyre që përfshihen në situata të tilla. #ËeAreNato”-shkruan ministri i Mbrojtjes Niko Peleshi.
