Ndeshja mes AEK-ut dhe Dinamos së Zagrebit, e parashikuar që të luhej këtë të martë për kualifikueset në Champions League është shtyrë nga UEFA.
Ky vendim erdhi pas skenave të dhunës të hënën në mbrëmje mes tifozëve të grekë dhe atyre kroatë, ku si pasojë humbi jetën një 29-vjeçar, tifoz i AEK-ut.
Tifozët grekë dhe ata të Dinamos së Zagrebit u përplasën jashtë stadiumit të AEK-ut pak pasi lojtarët e Dinamos së Zagrebit përfunduan stërvitjen.
Lidhur me ngjarjen policia ka arrestuar 98 persona. Mes tyre janë 87 kroatë, një shqiptar, një austriak, një boshnjak, një gjerman dhe pesë grekë.
