Skena të rënda dhune u regjistruan të hënën në mbrëmje në Athinë në stadiumin e AEK-ut. Huliganët e Dinamo Zagrebit sulmuan tifozët e AEK-ut. Për pasojë ka humbur jetën një 22-vjeçar grek, cili sipas mediave greke u qëllua me thikë.
Policia ka arrestuar në lidhje me këtë ngjarje 98 persona. Mes tyre janë 87 kroatë, një shqiptar, një austriak, një boshnjak, një gjerman dhe pesë grekë.
Po ashtu nga ngjarja kanë mbetur tetë persona të plagosur, mes të cilëve një 17-vjeçar .
Skenat e dhunës ndodhën përpara ndeshjes AEK-Dinamo Zagreb që pritet të luhet këtë të martë dhe është e vlefshme për fazën e eliminatoreve të Champions League.
08.06.2023🇫🇷After a Syrian ‘refugee’ stabbed 8 babies in Annecy playground, a group of French Nationalists took to the streets: ‘Death to terrorists, refugees out!’ https://t.co/Fjy3xrlEmQ pic.twitter.com/UnbpJAkbqW
— Hooligans.cz Official (@hooliganscz1999) June 9, 2023
Siç shkruajnë mediat greke, tifozët kroatë kanë mbërritur të organizuar në Athinë, pavarësisht një vendimi të UEFA-s për t’i ndaluar ata të lëvizin në transferta.
Lidhur me ngjarjen policia greke njoftoi: “Në lidhje me incidentin mes tifozëve të A.E.K. dhe Dinamos së Zagrebit, që rezultoi me vdekje e një personi dhe plagosjen e tetë të tjerëve, sqarohet:
Mbrëmjen e djeshme, të hënën, 7 gusht 2023, një grup prej rreth 100-120 tifozësh të Dinamo Zagrebit, së bashku me tifozët-bashkëpunëtorët e tyre grekë, ndodheshin në Perissos. Tifozët e AEK-ut janë grumbulluar në zonën e gjerë, ndërsa u regjistruan incidente mes tifozëve të dy skuadrave, të cilët kanë hedhur sende, gurë, si dhe kanë përdorur edhe shkopinj të improvizuar.
Ngjarja ka ndodhur një orë e gjysmë pasi ekipi mysafir ka përfunduar stërvitjen dhe është larguar nga fusha, si dhe lojtarët të shoqëruar nga policia.
Në vendngjarje kanë mbërritur forca të forta policie, të cilat kanë shuar përleshjen, ndërsa me shpejtësi kanë bllokuar dhe arrestuar gjithsej 98 persona të përfshirë në ngjarje.
Një hetim paraprak po kryhet nga Drejtoria e Sigurisë së Atikës, ndërsa hetimet për identifikimin e autorëve të tjerë dhe çdo aspekt tjetër të çështjes vijojnë intensivisht”.
