Një 30-vjeçar nga qyteti i Beratit ka gjetur vdekjen mesnatën e mbrëmshme si pasojë e overdozës.
Dorian Kovaçi, 30 vjeç është paraqitur në spitalin rajonal të Beratit pa shenja jete, ndërsa shoku i tij që e dërgoi në ambientet e urgjencës ka thënë se prej disa orësh Doriani nuk po reagonte.
Ai tha se kishte menduar se Doriani po flinte gjumë.
Mësohet se bluzat e bardha u përpoqën ta rikthenin në jetë 30-vjeçarin por pa sukses.
Pas marrjes së informacionit forcat e rendit shoqëruan në ambientet e komisariati shokun e 30-vjeçarit ndërsa bënë edhe kontrollin e banesës ku dyshohej se dy të rinjtë kishin konsumuar heroinë.
