Në një aksident i rëndë ka ndodhur mbrëmjen e së premtes në Kroaci, ku viktimë kanë mbetur nënë e bijë nga Kosova.
Ndërsa në gjendje të rëndë janë babai dhe djali, të cilët kanë marrë dëmtime të shumta dhe ndodhen në spitalin e Splitit.
Aksidenti ndodhi rreth orës 23:00 të së premtes në dalje të Ravçës, në autostradën A1, në Kroaci.
Sipas mediave kroate shtetasit nga Kosova ndodheshin në një automjet me targa gjermane, tip BMW.
Në aksident ka humbur jetën edhe një 33-vjeçar nga zona e Zarës, i cili drejtonte automjetin Volkswagen T-Roc.
Autoritetet kroate kanë nisur hetimet dhe po punojnë për zbardhjen e rrethanave të aksidentit për shkak se ende nuk dihet dinamika apo shkaku i përplasjes së fuqishme./Opinion.al
