Kryeministri i Kanadasë, Justin Trudeau dhe gruaja e tij Sophie po ndahen pas 18 vitesh shkruan BBC.
Çifti tha se do të mbeten “një familje e ngushtë me dashuri dhe respekt të thellë” në një postim në Instagram.
Ata u martuan në Montreal në vitin 2005 dhe kanë tre fëmijë së bashku.
Në një deklaratë, zyra e zotit Trudeau tha se ndërsa çifti kishte nënshkruar marrëveshjen e ndarjes, ata do të vazhdojnë të dalin publikisht.
Çifti kanë kërkuar privatësi për “mirëqenien” e fëmijëve të tyre.
“Ne mbetemi një familje e ngushtë me dashuri dhe respekt të thellë për njëri-tjetrin dhe për gjithçka që kemi ndërtuar dhe do të vazhdojmë të ndërtojmë”, thanë zoti Trudeau, 51 vjeç dhe zonja Gregoire Trudeau, 48 vjeç.
Ata janë parë së bashku publikisht më rrallë vitet e fundit, megjithëse morën pjesë në kurorëzimin e mbretit Charles III së bashku në maj dhe pritën Presidentin e SHBA Joe Biden në Kanada në mars.
Trudeau u zgjodh për herë të parë kryeministër në vitin 2015.
