Një ditë pas zgjedhjes në krye të Partisë Demokratike, Lulzim Basha ka mbledhur sot kolegjin e Kryetarëve. Mësohet se gjatë mbledhjes së sotme, Basha e ka nisur fjalimin e tij me një falënderim për punën e bërë gjatë ditës së djeshme.
Siç shihet në fotot e shpërndara nga vetë PD, të pranishëm janë kryetarët e degëve, si dhe Enkelejd Alibeaj dhe Indrit Sefa.
Dje pas publikimit të rezultatit të zgjedhjeve për kryetar në Partinë Demokratike, Lulzim Basha falënderoi votuesit, strukturat e partisë si dhe kandidatin tjetër të kësaj garë, Gjergji Hanin. Basha tha se kjo ditë nuk shënon votën për një individ, por nisjen e një pune të menjëhershme./Opinion.al
