Gazetarja Klodiana Lala dha të tjera detaje lidhur me hetimin ndaj ish-ministrit Arben Ahmetaj.
Ndër të tjera ajo pohoi se për herë të parë del një lidhje e Arben Ahmetajt me Edmond Begon, ndërsa shprehet se është pikërisht një vile në Palasë që biznesmeni ia ka kaluar ish-ministrit.
“Për herë të parë del lidhja e Ahmetajt me biznesmenin Edmond Bego. Aktualisht ai operon në fushën e ndërtimit. SPAK nuk e sqaron lidhjen e Ahmetajt me Begon. Më herët PD ka patur një kallëzim që lidhet me privatizimin e një trualli nga zoti Bego, por SPAK thotë se zoti Bego përmes personave të dytë ka kaluar në pronësi të ish-bashkëshortes së zotit Ahmetaj një vilë në Palasë që është në emër të një zonje me inicialet E.D, por prokuroria thotë që kemi siguruar prova që është pasuri e zotëruar nga ish-bashkëshortët, A.M dhe zoti Ahmetaj”, tha Lala./Opinion.al
