Janë nxjerrë nga fundi i oqeanit pjesë të nëndetëses turistike që shpërtheu gjatë zhytjes në oqeanin Atlantik.
Mbetjet metalike nga nëndetësja Titan u shkarkuan nga anija Horizon Arctic në St John’s, në Kanada.
Ashtu siç shihet dhe në foto, copat metalike të nëndetëses u vendosën me vinç mbi kamionë.
Një robot që zhytet në thellësinë e detit nga Horizon Arctic gjeti pjesët e copëzuara.
Rreth dhjetë pjesë të saj u zbritën nga anija, duke përfshirë kabinën e nëndetëses dhe muret anësore të saj.
Titan u zhduk dhjetë ditë më parë afër fundit të oqeanit vetëm një orë e 45 minuta pasi u zhyt në Atlantikun e Veriut.
Ekspertët thanë se viktimat, duke përfshirë tre britanikë – miliarderi Hamish Harding, biznesmeni Shahzada Daëood dhe djali i tij 19-vjeçar Suleman, vdiqën sapo ajo shpërtheu.
Gjithashtu në mesin e viktimave ishte eksploruesi francez 77-vjeçar Paul-Henri Nargeolet dhe CEO i OceanGate, Stockton Rush, i cili drejtonte turneun e Titanikut.
Pavarësisht gjetjes së nëndetëses, shanset që trupat e të vdekurve të zbulohen janë thuajse zero./Opinion.al
