Policia e Shtetit është duke ekzekutuar një urdhër kontrolli të lëshuar nga Gjykata e Posaçme kundër Korrupsionit dhe Krimit të Organizuar në ambientet në territorin e kampit të muhaxhedinëve (MEK) në Manzë të Durrësit.
Urdhri i kontrolleve ka ardhur në kuadër të luftës kundër terrorizmit dhe parandalimit të sulmeve kibernetike.
“Në zbatim të urdhër-kontrolleve të nxjerra nga Gjykata, Policia e Shtetit ka marrë masa për zbatimin e tyre, me planin e kontrollit të ambienteve në territorin e kampit MEK, duke zbatuar me rigorozitet etikën dhe komunikimin e duke respektuar të drejtat dhe liritë themelore të të gjithë qytetarëve dhe komunitetit që banon në këtë kamp. Grupet e kontrollit të Policisë po vijojnë kontrollet në territorin e kampit MEK dhe në ambientet e brendshme të tij”-njofton policia.
Në kampin MEK strehohet opozita iraniane./Opinion.al
