Rreth 40 persona, kryesisht studentë, janë vrarë në një shkollë në Ugandën perëndimore nga rebelët e lidhur me grupin Shteti Islamik.
Tetë persona të tjerë ndodhen në gjendje kritike pas sulmit në shkollën e mesme Lhubiriha në Mpondwe.
Mes të vdekurve janë edhe djem që po qëndronin në konviktet e shkollës.
Forcat Demokratike Aleate (ADF) – një grup ugandan me bazë në Republikën Demokratike të Kongos (DRC) – janë fajësuar për sulmin e së premtes, raporton BBC.
Shumë prej trupave u transferuan në Spitalin Bwera, tha zëdhënësi i policisë kombëtare Fred Enanga.
Një konvikt në shkollë është djegur dhe një dyqan ushqimesh është plaçkitur gjatë incidentit, shtoi ai.
Disa nga djemtë u dogjën ose u vranë, dhe të tjerët, veçanërisht vajzat, u rrëmbyen, tha për mediat gjeneralmajor Dick Olum nga ushtria ugande.
Disa prej trupave thuhet se janë djegur keq dhe do të duhet të kryhen teste të ADN-së për t’i identifikuar.
Sulmuesit thuhet se kanë djegur dyshekët e studentëve dhe gjithashtu mendohet se kanë shpërthyer bomba nëzonë.
Anëtarë të komunitetit të gjerë ndoshta mes të vdekurve. Një numër studentësh mbeten të pagjetur./Opinion.al
