Qeveria e Kosovës ka reaguar pas lajmeve për anulimin e mbledhjes së përbashkët mes dy qeverive të Shqipërisë dhe të Kosovës që është planifikuar për tu mbajtur ditën e nesërme.
Zyra e kryeministrit Albin Kurti ka mohuar lajmin dhe është shprehur se gjithçka është gati për zhvillimin e mbledhjes në Gjakovë.
“Mbledhja nuk është anuluar. Gjithçka është gati në Gjakovë. Kryeministri Kurti tani po merr pjesë në koncertin e sontëm atje të Ansamblit Shota dhe muzikantëve nga Kosova nga Shqipëria që është edhe uvertyrë për mbledhjen e nesërme. Për anulimin po dëgjojmë tani nga ju”-njofton qeveria e Kosovës./Opinion.al
