Papa Françesku është larguar nga spitali Gemelli i Romës, ku kreu një kontroll mjekësor dhe disa analiza, për shkak të periudhës së vështirë shëndetësore kohët e fundit.
Sipas mediave të huaja, Ati i Shenjtë kaloi disa ditë në të njëjtin spital në fund të marsit pas trajtimit për infeksion në frymëmarrje. Ndërsa muajin e kaluar 86-vjeçarit iu desh të ndalonte pritjet për shkak të etheve.
Papa Françesku u shtrua në poliklinikën romake më 29 mars për shkak të një infeksioni respirator. Më pas, Papa ishte larguar nga spitali tre ditë më vonë, pikërisht në kohën e duhur për të marrë pjesë në festimet e javës së Pashkëve.
Shtrimi në spital në muajin mars ishte vetëm më i vogli nga problemet shëndetësore të Papës: nga operacioni në mushkëri që ai pësoi deri te dhimbjet e nervit shiatik të përsëritur dhe disa vite më parë.
Të shtunën, Vatikani njoftoi planet që Françesku të vizitojë Mongolinë në fund të gushtit dhe në fillim të shtatorit. Gjatë vizitës së tij, Papa pritet të vizitojë një komunitet të vogël të krishterë që është pjesë e qëllimit të tij për të vizituar katolikët në periferi të shtrirjes së Kishës./Opinion.al
