Kryeministri i Kosovës Albin Kurti duke i vendosur për që kryetarët e komunave në Veri të Kosovës të vijojnë punën ashtu siç e përcakton ligji.
Edhe pse ndërkombëtarët e kanë bërë përgjegjës për situatën e krijuar në veri të vendit, Kurti ka theksuat përsëri në një intervistë për CNN International se demokracinë e vendit nuk do t’ia dorëzojë një milicie fashiste, duke iu referuar veprimeve të dhunshme të protestuesve serbë në veri të vendit.
Kurti tha se komuniteti ndërkombëtar e njohu rezultatin e zgjedhjeve për kryetarët e komunave në veri të Kosovës dhe tashmë sipas ligjeve ata duhet të fillojën punën për të cilën janë zgjedhur me votën e qytetarëve.
“Të gjithë ndërkombëtarët i kanë pranuar rezultatet. Kryetarët duhet të shkojnë në zyra. Po punoj me faktorin ndërkombëtar, veçanërisht me SHBA dhe BE të cilët i konsiderojmë miqtë më të rëndësishëm, por nuk do t’ia dorëzoj demokracinë tonë një milicie fashiste”, deklaroi Kurti.
Kryeministri Albin Kurti e konsideron histori suksesi Kosovën që pas ndërhyrjes së NATO-s në vitin 1999, dhe këtë nuk e pranon vetëm Serbia dhe Rusia, sipas tij.
“Në Kosovë 4 për qind e minoriteteve janë serbë, 93 për qind e popullsisë janë shqiptarë, ndërsa 3 përqindshi tjetër i popullsisë i takon minoriteteve të tjera që janë boshnjakë, turq, kroatë, romë, ashkali dhe egjiptianë. Nuk mund të ketë privilegj vetëm për një minoritet në Kosovë. Serbia është ajo që po e vajton akoma humbjen e Kosovës në vitin 1999 kur ndërhyri misioni i NATO-s. Kosova është një histori suksesi”.
Sa i përket asociacionit të komunave serbe, Kurti theksoi se duhet të formohet sipas Kushtetutës së Kosovës.
