Oltion Çarkaxhija është Zëvendëspresident për transformimin i “Air France KLM”, një prej grupeve më të mëdha të aviacionit në botë me 27 miliardë Dollarë në 2019 dhe 76 mijë punonjës.
Oltion Çarkaxhija është larguar nga Shqipëria në moshën e studimeve, ai ka studiuar në SHBA, ka jetuar në Kanada dhe më pas është zhvendosur në Francë, ku është bërë njëri nga 4-5 personat më të rëndësishëm të njërës prej kompanive më të mëdha të botës.
Në një intervistë për emisionin “Opinion” në Tv Klan, Oltion Çarkaxhija thotë se një kompani ajrore, e bën planin se ku do të fluturojë 1 vit përpara.
Blendi Fevziu: Si u gjetët me aviacionin?
Oltion Çarkaxhija: Fare çuditësisht. Në 2006 fillova punë në Pfizer në Kanada dhe pata një miken time që lëvizi drejt Kandasë dhe më tha se pse nuk vjen ta shohësh. Aty isha analist, financiar.
Blendi Fevziu: Dhe prej aty kalove në Air Canada?
Oltion Çarkaxhija: Po, dhe pësova një shok sepse Pfizer është një kompani që ka shumë të ardhura. Tek Air Canda i shiste 12 miliardë dhe fitimi neto ishte 150 milionë në ato vite. Jo vetëm që shifrat nuk përputheshin, por edhe nga ana e mjedistit ku punon, komplet botë tjetër. Në Air Canada hyra si analist financiar. Në 2016 isha drejtor në kompani ajrore.
Blendi Fevziu: Çfarë parashikon menaxhimi në një kompani ajrore?
Oltion Çarkaxhija: Kompanitë ajrore janë të çuditshme sepse të gjithë departamentet kanë objektiva që janë konfliktuale me njëri-tjetrin.
Në Shqipëri kemi dëshirë që të fluturojmë pak më shumë. Sivjet do të fluturojmë 2 herë në javë, siç fluturuam vjet, për pak a shumë 3 muaj. Duhet ta marrim avionin nga një destinacion tjetër dhe ta vejmë në Shqipëri. Ky është vendimi që merret 12 muaj para. 90% e planit që vendos si kompani ajrore, planifikohet 1 vit përpara. Dhe këtë ja jep njerëzve që ta vejnë në punë. Duhet të gjesh pilotët, do të ja japësh anës komerciale që ta menaxhojë./tvklan.al
