Ka përfunduar takimi midis kryetarit të Zubin Potokut, Izmir Zeqiri, dhe atij të Zveçanit, Ilir Peci, me ambasadorin amerikan në Prishtinë, Jeffrey Hovenier.
Takimi u zhvillua në zyrat e Bashkimit Evropian në Prishtinë ndërsa nga mediat kosovare raportohet se në të nuk morën pjesë krerët e Leposaviqit dhe Mitrovicës së Veriut, që vijnë nga radhët e Lëvizjes Vetëvendosje.
Pas takimit, ambasadori amerikan Hovenier është parë duke u larguar nga zyrat e BE-së në Prishtinë.
Sipas raportimeve, ambasadori Hovenier u pa duke hyrë më pas në ndërtesën e Kuvendit të Kosovës.
Mëngjesin e sotëm grupe të serbëve lokalë janë mbledhur para ndërtesave komunale në veri për të kundërshtuar kryetarët e rinj shqiptarë.
Përveç Policisë së Kosovës, që gjendet para ndërtesave komunale, në veri është vërejtur shtim i pranisë së pjesëtarëve të misionit të NATO-s në Kosovë, KFOR./Opinion.al
