Koalicioni “Bashkë Fitojmë” ka mbyllur sot fushatën elektorale në sheshin “Nënë Tereza” në Tiranë.
Ish-kryeministri Sali Berisha gjatë fjalës së tij drejtuar kryeministrit Rama, tha se nuk mund të vidhet asnjë votë e qytetarëve më 14 Maj.
Sipas tij asgjë nuk do e ndalë rrymën e ndryshimit, pasi shqiptarët janë më të vendosur se kurrë të mbrojnë lirinë e tyre.
“48 orë na ndajnë nga shpresa e madhe që po vërshon në mbarë Shqipërinë ndaj dhe dilni në votime, mos harroni. Mos harroni se njeriu që ka frikë nga veprat e tij, vjedhjet që ka bërë, nga krimet e tij, kalon si hije nga sheshi në shesh dhe u bën thirrje mos dilni në votime. Kalon në skuta me fenerët e tij dhe shpërndajnë frikë, këtu para jush do t’i them Edi Ramës, mbaje mend se mund të vjedhësh ndonjë kovë në lumin që rrjedh, ndonjë votë, por lumin kurrë nuk e vjedh dot dhe të garantoj se rryma e ndryshimit, e fitores do të të marrë përpara, do të të fshijë. Do të të çojë atje ku e meriton, Edi Rama hiq dorë se populli është në këmbë, se shqiptarët janë më të vendosur se kurrë të mbrojnë lirinë e tyre”, tha Berisha.
Berisha vlerësoi gjithashtu kandidatin e koalicionit opozitar për Tiranën Belind Këlliçi për programin e tij dhe energjinë./Opinion.al
