Kryeministri Edi Rama i shoqëruar nga kandidati i PS për Shkodrën Benet Beci, ka mbyllur fushatën elektorale për zgjedhjet e 14 majit në qytetin e Shkodrës.
Në nisje të takimit me banorët e Shkodrës, një djalë mes të pranishmëve ka bërtitur duke thënë “Rama ik”.
Ndërkohë Rama mesa duket e ka pritur pozitivisht këtë veprim, pasi ka thënë se duhej një thirrje e tillë për të larguar syrin e keq gjatë ditës së votimit.
Ai thotë se e priste një veprim të tillë dhe shprehu dëshirën për t’a duartrokitur pasi falë thirrjeve të tilla do t’iu ecë mbarë në takimin e mbylljes së fushatës.
“Ja doli një, e prisja njërin dhe i thashë Elisës, kur po vinim, se më pyeti. I thashë në rregull çdo gjë, kaq shumë nuk kam parë ndonjëherë. E pyeta do kemi hudhër apo jo këtë herë? Se unë hudhër quaj kur del njëri atje dhe thotë ‘Rama ik’.
Kështu që ai erdhi e tha dhe iku me marrë lekët tani, unë them t’i bëjmë një duartrokitje atij, se falë atij ne na merr të keqen syri i keq ditën e dielë”, tha Rama./Opinion.al
