Turistët dhe vendasit e Budvës që do të lëvizin me bikini nëpër rrugët e qytetit bregdetar malazez do të gjobiten me 200 euro.
Ky vendim është dhënë nga Këshilli Komunal Lokal i Budvës për rendin komunal.
“Gjobat janë më rigoroze në krahasim me sanksionet që ishin vendosur në vendimin e mëparshëm, dhe policia e bashkisë së Budvës është përgjegjëse për respektimin e kësaj dispozite’” sqaroi kryetari Miloš Tajiq.
Kryetari Tajiq shpjegoi se inspektimi komunal dhe policia do të jenë përgjegjëse për respektimin e rregullit të ri.
Këshilli bashkiak tashmë e ka publikuar vendimin në fletoren zyrtare në fund të muajit prill.
Budva i është bashkuar kështu qyteteve kroate të Splitit dhe Dubrovnikut, të cilat tashmë kanë vendosur një dënim për “turistët e zhveshur”.
Që nga gushti 2020, qyteti i Dubrovnikut ka pasur një vendim të ngjashëm për rendin.
Turistët që ecin me rroba plazhi përgjatë Stradunit dhe pjesëve të tjera të Dubrovnikut do t’u paguajnë inspektorëve një gjobë prej 130 eurosh ndërsa në Split 150 euro./Opinion.al
