Roland Bejko, i cili kandidon me siglën zyrtare të Partisë Demokratike, në zgjedhjet e 14 Majit, në kuadër të fushatës elektorale është ndalur në njësinë nr.5 në kryeqytet, ku ka dhënë një mesazh për të rinjtë.
Ai u ka kërkuar që të mos heshtin, por të bëhen pjesëmarrës në politikë për të mirën e vendit.
“Më zuri gjuha lesh, se lesh në kokë nuk kam, duke u thënë studentëve, angazhohuni, bëhuni pjesëmarrës, reagoni, mos ktheni kurrizin kur shikoni një njeri të politikës, por dilni përballë dhe thojini se çfarë duhet të bëjë, për Tiranën, për Bashkinë, kushdo qoftë”, tha Bejko.
Në takimet me qytetarët, ai theksoi se grupimi që përfaqëson është i ndarë nga ai i ish-kryeministrit, Sali Berisha.
Roland Bejko: Do përpiqemi që të bëjmë një lider me vlerë, por edhe një parti me vlerë, do bëjmë një PD të djathtë…
Qytetari: Jeni me Sali Berishën?
Roland Bejko: Jo jemi ndarë.
Bejko është një ndër 5 kandidatët që garon për Bashkinë Tiranë.
