Kryetari i Komanduar i PD, Enkelejd Alibeaj ka zbuluar arsyet pse nuk arriti të vendoste 61 kandidatë për zgjedhjet lokale të 14 majit.
Në emisionin “Opinion”, Alibeaj fajësoi debatet e brendshme në PD dhe ish-kryeministrin Sali Berisha.
Sipas Alibeajt, Berisha i ka shpallur “luftë civile” PD duke sulmuar demokratët. Për Alibeajn, opozita që përfaqësohet nga Berisha është e korruptuar dhe se nuk punon për interesat e qytetarëve.
“Një vit e gjysmë në PD Berisha i ka shpallur luftë civile, kjo është njëra anë. Nga ana tjetër, është Edi Rama që e ka vënë në objektiv PD. Dhe nuk ka PD zyrtare, ka vetëm një PD. Ka një bashkim tejtër që quhet “Bashkë Fitojmë”, por që përfaqësohet nga Ilir Meta. Vendosja e PD mes Berishës dhe Ramës ka ndikuar te, pra mes qeverisë së majtë të korruptuar dhe opozitës të majtë të korruptuar. Ajo që po ndodh është se PD por rikthehet në vlerat e mëparshme, demokratët kanë mundësinë që ta rikthejnë PD. Lufta, beteja quheni si të doni e pabarabartë… Jemi në një agresion mediatik, oligarkisë, jemi në një seli të zaptuar. Na mbajtën një vit e ca rrugëve të gjykatave dhe fërkonin barkun edhe njëri edhe tjetri. Në këtë situatë, qëndrimi ynë ka qenë që demokratët të jenë bashkë”,-tha Alibeaj.
