Zbardhet ekzekutimi i biznesmenit Ardian Nikulaj në Lezhë.
Gjatë orëve të fundit janë zhvilluar kontrolle në Gjadër për vrasësin e Nikulajt, i cili u ekzekutua më 19 prill në lokalin e tij në Shëngjin.
Raportohet nga Klan News se policia ka gjetur rrobat e vrasësit mes fshatit Gjadër dhe Kakarriq. Në këto rroba janë gjetur edhe gjurmë ADN-je. Vrasja dyshohet se ka ndodhur për gjakmarrje.
Policia ka lëshuar 5 urdhër-arreste. Sipas burimeve, autori është identifikuar dhe raportohet se është një shtetas i huaj.
Kujtojmë se ish-kandidati për deputet në siglën e Partisë Social Demokrate, në 2021 Ardian Nikulaj që aktualisht synonte një vend në këshillin bashkiak në Bashkinë e Lezhës u qëllua me 6 plumba në lokalin e tij “Koral” nga një person që mbante jelek fosforeshent dhe skafandër në kokë. Vrasësi dyshohet se erdhi dhe u largua me motor i vetëm nga Shkodra. Ardian Nikulaj dyshohet të jetë vëzhguar para se të ekzekutohej.
