Në kuadër të fushatës elektorale, Kryeministri Edi Rama është ndalur në Fier, ku ka zhvilluar një takim me gratë dhe vajzat.
Gjatë fjalës së mbajtur në këtë takim, Rama tha se qeveria me punën e saj ka transformuar “fytyrën” e vendit dhe e ka paraqitur atë ndryshe si në raport me veten ashtu edhe botën.
Ai theksoi se në qeveri ka më shumë gra dhe jemi në krye të listës së klasifikimit të Kombeve të Bashkuara.
“Më vjen mirë që ne sot kemi gjëra shumë për të thënë në vazhdim të punës dhe rezultateve që kemi arritur pavarësisht se unë nuk kënaqem kurrë sepse ka akoma për të bërë. Kemi ndërruar terësisht fytyrën e Shqipërisë qoftë në raport me vetveten, qoftë në raport me botën. Kemi sot qeverinë me më shumë gra dhe e kemi në krye të listës të klasifikimit të Kombeve të Bashkuara. Ajo që është e rëndësishme është se dhe numri i grave që drejtojnë biznese po rritet dhe do vazhdojë të rritet dhe gjithmonë e më shumë.
Me fuqinë ekstra të grave dhe vajzave PS do arrijë fitoren, ajo që dua t’ju kërkoj sot është që të gjitha ju të harroni për një moment që ne këtu gjithsesi do të fitojmë dhe t’i vini qëllim vetes që të sillni një grua një vajzë më shumë se zakonisht me vete për t’i dhënë votën Armandos dhe PS-së. Kjo është jashtëzakonisht e rëndësishme se ndërkohë që bashkëpunimi ynë me bashkinë është i garantuar, mbështetja e garantuar dhe do vazhdojmë ta mbështesimm Fierin me të gjitha forcat dhe të rritet në të gjitha aspektet por mbi të gjitha që rritja ekonomike të jetë gjithmonë e më e prekshme për familjet.
Më 14 Maj të tregojmë forcë të madhe të angazhimit tonë dhe në asnjë mënyrë të mos kthehet mbrapa dhe të mos ulim kokën nga turpi dhe zgjidhja të mos shkojë në drejtim të gabuar. Nuk duhet që në vend që të zgjidhet ata që janë aty për të qenë në krye të punës të zgjidhen ata që janë aty jo për të bërë punën. Unë këtu sdua t’i përmend fare ata dy persona se na prishin këtë atmosferë kaq të bukur, por meqë unë operova apendesitin, ata janë zorra qorre që ne duhet ta operojmë. Kandidatë të zorrës qorre, është i pangrënëshëm dhe mbi të gjitha nuk ka pikë rëndësie se cilët janë këta, fakti që kanë pranuar që të japin fytyrën e tyre, zërin e tyre dhe të paraqiten si përfaqësues të zorrës qorre është e mjaftueshme. Ne jemi këtu për të folur me gjuhën e të vërtetave të thjeshta që burojnë nga puna, s’ka asnjë mundësi të krahasosh Fierin sot me Fierin dje”, tha kryesocialisti.
