Kryeministri Edi Rama u bën thirrje të rinjve që t’i bashkohen Forcave të Armatosura të Republikës.
Nëpërmjet një postimi në rrjetet sociale, Rama shkruan se për Forcat e Armatosura do të rritet paga me 22% në vitin 2024.
“Një ftesë për të gjithë të rinjtë e të rejat, që ta shohin si një mundësi të re për veten, familjen po edhe atdheun, afrimin e tyre me Forcat e Armatosura të Republikës sonë. Pas rritjes së pagave me 30% në vitin 2022 dhe me 7% këtë vit, një tjetër rritje e konsiderueshme deri në 22% do të bëhet realitet në 2024, për të gjithë ushtarakët e Forcave të Armatosura të Shqipërisë. Respekt për punën e vajzave dhe djemve në uniformë, pjesë e vijës së parë të frontit në mbrojtje të territorit të vendit”,-shkruan Rama./Opinion.al
