Një 25-vjeçar është vënë në pranga nga policia pas denoncimit nga qytetarët se i riu teksa po drejtonte një automjet po kryente manovra të rrezikshme në rrugë.
Pasi është ndaluar nga punonjësit e Policisë, drejtuesit i automjetit, 25-vjeçari B. K., ka manifestuar sjellje të dyshimta në raport me kërkesat ligjore, dhe për këtë arsye i është nënshtruar testimit me aparatin drogëtestues AquilaScan. Pas testimit, 25-vjeçari ka rezultuar nën efektin e lëndëve narkotike.
Në vijim të veprimeve, u arrestua në flagrancë shtetasi B. K., 25 vjeç, për veprën penale “Drejtimi i automjeteve në mënyrë të parregullt”.
Gjithashtu, për këtë shtetas u vendos gjobë 60 000 lekë të rinj dhe iu pezullua leja e drejtimit për 24 muaj./Opinion.al
