Zjarri më vdekjeprurës i vendit në një shekull ka shkatërruar plotësisht ishullin Hawaii, i cili vazhdon të përjetojë situatë dramatike.
Deri tani janë konfirmuar 99 viktima, ndërsa rreth 1300 të tjerë rezultojnë të zhdukur.
Ndërsa numri i të vdekurve në Hawaii arriti në 99 të hënën, zjarri i Havait forcoi pozicionin e tij si zjarri më vdekjeprurës amerikan në 105 vjet, duke tejkaluar zjarrin e kampit të vitit 2018 në Kaliforni që shkaktoi dëme në vlerë prej 16.5 miliardë dollarësh dhe vrau 85 njerëz.
Guvernatori i ishullit Josh Green tha se kërkimet vijojnë dhe numri i viktimave mund të rritet dhe do duhet kohë për identifikimin e tyre.
Green, duke folur për CBS të hënën, tha se “ka më shumë viktima që do të vijnë” dhe vlerësohet se ekuipazhet mund të gjejnë rreth “10 deri në 20 njerëz në ditë ndoshta derisa të përfundojnë kërkimet”.
Ai ka konfirmuar se deri tani janë bërë kërkime në 25 % të zonës së shkrumbuar nga zjarri.
Mund të duhen 10 ditë që të përcaktohet një numër i plotë i viktimave të zjarrit, tha Green, duke shtuar se “ne jemi të përgatitur për shumë histori tragjike”.
Zyrtarët thanë se 20 qenë të trajnuar për kërkimin e kufomave ishin vendosur në ishull nga Agjencia Federale e Menaxhimit të Emergjencave. Por drejtues të saj nuk bënë të ditur sesa kohë do të zgjasë kërkimi për viktima duke e konsideruar situatën jashtëzakonisht të rrezikshme për shkak të temperaturave të larta. Ndërkohë familjeve që kanë pjesëtarë të humbur u është kërkuar të dorëzojë mostrat e ADN për të ndihmuar në përpjekjet e kërkimeve.
Të paktën 2,000 njësi banimi duke përfshirë 402 dhoma hoteli, janë vënë në dispozicion për njerëzit që humbën shtëpitë e tyre në Lahania.
E paqartë mbetet nga se u shkaktua zjarri, por u përhap me shpejtësi për shkak erërave të forta të uraganit Dora dhe thatësirës./Opinion.al
