Kuvendi i Shqipërisë miratoi aktin normativ të qeverisë “për goditjen e krimit të organizuar dhe sekuestrimin e pasurive të paligjshme të personave nën hetim ose të dënuar”, ose e njohur ndryshe si paketa Anti KÇK.
Paketa emergjente me fuqi 1-vjeçare deri më 31 dhjetor, e propozuar nga mazhoranca ka kaluar me 89 vota pro, ndërsa pati 3 abstenime dhe 17 kundër.
Gjatë fjalës së tij në Parlament, kryeministri Rama dha shifra konkrete të sondazhit të bërë nga zyra e tij, ku sipas Kryeministrit, 72% e qytetarëve mbështesin nismën anti-KÇK. Kreu i qeverisë sulmoi ashpër fraksione të ndryshme të opozitës dhe presidentin se kanë dalë në mbrojtje të krimit.
Kjo paketë është kritikuar ashpër nga opozita, presidenti dhe shoqëria civile, të cilat e konsiderojnë atë në shkelje të të konventave për të drejtave të njeriut dhe madje të Kushtetutës./Opinion.al
