Tetë të vdekur, 127 të infektuar dhe 83 pacientë të shëruar. Ky është bilanci i sotëm për Covid-19 në Maqedoninë e Veriut.
Ministria e Shëndetësisë njoftoi se rastet e reja janë regjistruar në Shkup, Kumanovë, Shtip, Tetovë, Strugë, Ohër, Kavadar, Gostivar, Probishtip, Demir Hisar, Kratovë, Shën Nikollë dhe Kërçovë.
Sipas statistikave të fundit në Maqedoninë e Veriut nga fillimi i pandemisë janë diagnostifikuar 9153 persona me koronavirus, prej të cilëve 4810 janë shëruar, kurse fatkeqësisht betejën me koronavirusin e ri e kanë humbur 422 pacientë.
Për momentin Maqedonia e Veriut ka 3921 raste aktive me Covid-19./Opinion.al
