Tetë persona të vrarë në 8 ditët e para të vitit 2016. Një statistikë që nuk do ti vinte për shtat asnjë Ministri të Brendshëm. Këto janë statistikat e frikshme të krimit në këtë fillim viti, që duket se ka marrë revansh ndaj sigurisë publike.
Më 1 janar në Sarandë, Afrim Uzo vrau bashkëshorten Lina Uzo, edhe pse kjo e fundit kishte urdhër mbrojtje.
Më 2 janar Esat Dushaj vrau vëllezërit Shkambi, pasi nuk i dhanë vajzën për nuse.
Po më 2 janar në mbrëmje vritet në një atentat mafioz në aksin Lezhë-Shkodër, ish-polici Dritan Lorenci.
Më 4 janar Xhevat Saraçi vret me armë automatik për një plep Isuf Xhanin, pranë banesës së tij.
Me datë 6 janar rrëmbehet në Durrës dhe më pas gjendet i ekzekutuar në Krujë, nga persona të veshur si policë, Gazmend Çollaku.
Po në këtë mbrëmje vritet po në një atentat mafioz, në Vlorë, shtetasi Andrea Billa.
Vrasja e fundit e 8-ta në po kaq ditë është ajo e ndodhur këtë mbrëmje në Fier, që mund të cilësohet sërish një akt mafioz për dinamikën e zhvillimit.
Kush mund të thotë se ndihet i sigurtë tanimë në Shqipëri pas këtyre vrasjeve, ku nga 8 të tilla, katër janë të pazbuluara? Dritan Laci
