Dy shqiptar kanë rënë në prangat e policisë pasi u kapën me plot 8 kilogramë drogë, në qytezën e Gulianovës në Itali.
Sipas mediave italiane, karabinierët ranë në gjurmët e dy shqiptarëve pasi ata u panë duke lëvizur me një makinë Audi, në një zonë të njohur për shpërndarjen e lëndës narkotike.
Në momentin e ndalimit, njëri prej shqiptarëve kishte një pako në dorë, ku policia gjeti rreth 400 gramë kokainë, dhe 2 dy celularë. Kjo bëri që karabinierët të vijonin me kontrollin duke gjetur edhe 200 gramë të tjera kokainë.
Ndërsa në brendësi të makinës policia gjeti një pistoletë dhe rreth 180 euro.
Për dy shqiptarët, identiteti i të cilëve nuk bëhet i ditur dhe që ishin të dy banor në San Benedetto, u dha masa e sigurisë arrest me burg./Klan
