Një 50-vjeçar ka rënë në prangat e policisë pasi ka dhunuar dhe më pas ka goditur me makinë fqinjën e tij 54-vjeçare.
Ngjarja ka ndodhur mëngjesin e së dielës në njësinë Guri i Zi në Shkodër. Mësohet se Hilë Simoni ka patur një konflikt të vjetër me familjen e 54-vjeçares Katrina Hila dhe konkretisht me bashkëshortin e saj.
Këtë mëngjes gruaja po shkonte në kishën e fshatit kur papritur komshiu i saj dyshohet se i ka dalë para dhe e ka dhunuar. Ajo ka marrë fraktura të rënda në këmbë por edhe në pjesë të tjera të trupit dhe është dërguar menjëherë drejt spitalit të traumës, ku ndodhet jashtë rrezikut për jetën.
Policia e ka gjetur gruan nën makinën e Hilë Simonit mëngjesin e sotëm.
50-vjeçari ka treguar se gruaja i ka dalë përpara me një levë në dorë duke e kërcënuar dhe për këtë arsye ai ka qenë i detyruar ta godasë me makinë./Opinion.al
