Përmes një operacioni kundër narkotikëve policia e Korçës ka ndaluar 7 persona dy prej të cilëve kanë rënë në pranga dhe 5 të tjerë procedohen në gjendje të lirë.
Sipas njoftimit të policisë është sekuestruar në cilësinë e provës materiale: 98 doza dhe një sasi prej 309 gr me lënde të dyshuar narkotike heroinë, një sasi me lëndë të dyshuar narkotike kanabis, pesë kokrra metadon, 365 000 lekë, 60 euro, dy automjete dhe 6 aparate celulare.
Dy personat që kanë rënë në pranga në bashkëpunim me njëri-tjetrin shisnin lëndë narkotike në Korçë, ndërkohë 5 personat e proceduar në gjendje të lirë ishin blerësit e dozave.
Në këtë operacion janë arrestuar 39-vjeçari R.S dhe 34 vjeçari Zh. G banues në Korçë, ndërkohë në gjendje të lirë po procedohen 39-vjeçari me iniciale A.K , 34-vjeçari me iniciale E.M, 24-vjeçari me iniciale K.Gj si dhe 30-vjeçari me iniciale V.M.
Materialet në ngarkim të tyre i kaluan Prokurorisë të Rrethit Gjyqësor Korçë, për veprën penale “Prodhimi dhe shitja e narkotikëve”./Opinion.al/
