Numri i të vdekurve nga një tërmet masiv që goditi Japoninë ditën e Vitit të Ri ka shkuar në 64 ndërsa autoritetet nxituan për të sjellë ndihma për të mbijetuarit.
Tërmeti me magnitudë paraprake prej 7.6 ballë goditi gadishullin Noto të hënën pasdite, duke rrafshuar shtëpitë në një tërmet që konsiderohet më vdekjeprurësi në Japoni deri më tani, që nga viti 2016.
Por autoritetet japoneze, përveç se janë në luftë me kohë, tashmë përballen edhe faktorin e klimës.
Në rajonin e goditur nga tërmeti, temperaturat janë shumë të ulëta ndërsa për orët në vijim janë parashikuar reshje të dendura të shiut.
Parashikimi i motit ka rritur frikën e rrëshqitjeve të dheut, gjë që mund të pengojë më tej përpjekjet për të shpëtuar shumë persona të tjerë të bllokuar nën rrënoja.
Infrastruktura e dëmtuar dhe vendndodhja e largët e zonave më të goditura kanë komplikuar përpjekjet e shpëtimit. Shkalla e plotë e dëmeve dhe viktimave mbetet e paqartë dy ditë pas tërmetit.
