Seanca e sotme nga Arbër Çekajt, e zhvilluar në Gjykatën Speciale Kundër Korrupsionit dhe Krimit të Organizuar ka qenë e tensionuar .
I akuzuari për trafikimin e 613 kilogramëve kokainë në Shqipëri ka kërkuar përjashtimin e prokurorit të çështjes, Edvin Kondilli.
Sipas Çekajt, ai është proceduar për shkak të mbiemrit të tij Kuliçaj.
“Unë jam në burg se jam nga Tropoja, se kam një mbiemër që nuk i pëlqen prokurorit”, tha Çekaj. Sipas tij, prokurori ka manipuluar provat dhe ka përhapur lajme që unë kam nxjerrë emra bashkëpunëtorësh, duke vënë kështu në rrezik jetën e familjarëve të tij.
“Unë nuk do ta bëja këtë për familjen e prokurorit, pasi nuk dëshiroj cenimin e tij apo familjarëve të tij”, tha Çekaj.
“Ky prokuror kaloi vetting-un në kurrizin tim dhe u bë pjesë e SPAK. E ka personale me mua dhe familjen time. Unë nuk mund të vazhdoj me të. Nëse SPAK nuk ka një prokuror në këtë vend, të bëhet si Champions League, të merret nga Serbia, meqë tani kemi marrëdhënie të mira. Nuk e di çfarë keni me familjen Kuliçaj. Do vijë dhe e drejta ime, në rrugë ligjore, normalisht”, shtoi Çekaj.
Nga ana tjetër, prokurori Kondili e cilësoi të padrejtë kërkesën.
“Nuk njoh asnjë mbiemër dhe nuk kam asgjë personale. Sa për kërcënimet, nuk më frikësojnë dhe as nuk ia këshilloj të pandehurit”.
Gjykata e refuzoi kërkesën e Çekajt ndërsa ai në vijim kërkoi që të lirohet nga qelia. /Opinion.al
