Një 60-vjeçar ka ndërruar jetë sot në Sarandë. Në fillim u raportua për aksident por policia tha se ai ka rrëshqitur nga biçikleta dhe ka rënë në asfalt. Ngjarja ka ndodhur sot në lagjen nr 1, tek ”Rrethrrotullimi i Butrintit”.
“Shërbimet e Policisë kanë shkuar në vendngjarje dhe nga verifikimi paraprak ka rezultuat se shtetasi D.L., 60 vjeç, banues në Sarandë, ka humbur kontrollin e mjetit biçiklet prej lagështirës së rrugës dhe për pasojë ka humbur jetën. Policia po punon për sqarimin dhe zbardhjen e plotë të rrethanave të ngjarjes”, thuhet në deklaratën për mediat.
