Ata janë një çift i bukur, breshka detare shqiptare, e quajtur Preshka dhe halla ime Vera Schau, 96 vjeçe. Bashkë, ato mund të jenë të paktën 200 vite të mira moshe. Raporti i tyre i çuditshëm filloi në vitin 1956, kur Vera dhe burri i saj Hansi ishin turistët e parë të Republikës Demokratike Gjermane të cilët vizituan Shqipërinë, ku pushimet e tyre verore vendosën ti kalonin në Durrës.
Në një nga ekskursionet e tyre të shumta, ata gjetën Preshkan në një liqen dhe menjëherë u dashuruan me të. Kështu Preshka u vendos në çantën e Veras dhe pa pasaportë apo ndonjë ndërhyrje nga autoritetet e kontrollit kufitar, u bë i mundur sigurimi i një shtëpie të re.
Përveç Preshkas, ata morën me vete edhe suvenirë të tjerë të çmuar në kthimin në vendlindje.
Me qindra fotografi me ngjyra dhe në bardh e zi, janë tanimë dokumenti më i vyer i një epoke të kaluar të Shqipërisë së viteve ’50, kur ishte një nga vendet më të largëta të Europës.
Nga 1956 e më pas, Preshka jeton me familljen Schau në Sonnenberg, një qytezë e famshme për të qenit kryeqyteti i prodhimit të lodrave në shekullin e 20-të.
Duke jetuar deri tanimë si një specie shqiptare prej 60 vitesh në Sonneberg, Preshka ka parë shumë ndryshime në jetën e saj të gjatë: Nga Honecker te Merkel, nga Republika Demokratike Gjermane në Gjermaninë e Bashkuar, dhe askush nuk e di se çfarë do të përjetojë në 100 vitet e ardhshme.
Ajo pëlqen akoma “azilin” e saj, ku edhe pse duket qartë që është rrëmbyer njëherë nga vendi i saj i origjinës, nuk ka pasur asnjë kërcënim politik që të bëjë ta depërtojë pas.
Ndërkohë thesaret, Preshka dhe fotografitë, janë akoma prova e një udhëtimi të paharrueshëm i një çifti nga Republika Demokratike Gjermane në Shqipëri, më shumë se dy gjenerata më parë!
Në foto Vera Schau 96 vjeç me breshkën shqiptare Preshka
Foto në ngjyra 1956, shkrepur nga Vera Schau dhe burri i saj Hansi, gjatë pushimeve në Durrës
