Policia Rrugore e Vlorës ka njoftuar se gjatë gjysmës së parë të muajit dhjetor ka arrestuar 6 drejtues makinash dhe ka proceduar penalisht dy të tjerë për shkelje të rregullave të qarkullimit.
Mësohet se janë vendosur gjithsej 3145 masa administrative.
“Policia Rrugore e Vlorës dhe Sarandës, e angazhuar 24/7 me logjistikë të avancuar për sigurinë në akset rrugore të qarkut.
Gjatë 15-ditëshit të parë të muajit dhjetor, si rezultat i monitorimeve të vazhdueshme në të gjitha akset rrugore, duke përdorur mjete inteligjente si radarë automatikë, dronë cilësorë, poliskanë dhe dragera:
Janë arrestuar 6 drejtues mjetesh dhe janë proceduar penalisht 2 të tjerë për shkelje të ndryshme të Kodit Rrugor, përfshirë drejtimin e mjetit në gjendje të dehur, pa leje drejtimi dhe shkelje të tjera të përcaktuara nga neni 290 dhe neni 291 të Kodit Penal.
Janë vendosur gjithsej 3145 masa administrative, të ndara si më poshtë:
• Tejkalim shpejtësie: 630 masa
• Mosvendosje e rripit të sigurimit: 226 masa
• Mosmbajtje e kaskës mbrojtëse: 118 masa
• Përdorim i celularit gjatë drejtimit të mjetit: 69 masa
• Drejtim i mjetit në gjendje të dehur: 11 masa
• Parakalim i gabuar: 289 masa
• Ndalim/ qëndrim i gabuar: 528 masa
• Mungesë siguracioni: 19 masa
• Xhama të zinj: 100 masa
• Shkelje të tjera të Kodit Rrugor: 1155 masa
Siguria e Këmbësorëve
Në kuadër të rritjes së sigurisë për këmbësorët dhe disiplinimin e mjeteve, janë vendosur 374 masa për mosrespektim të këmbësorëve, sipas nenit 189/1 të Kodit Rrugor”, njofton policia.
