“The Independent”, e ka përpiluar një listë me profesionet që jua rrezikojnë shëndetin e që koniderohen si të rrezikshme për jetën.
Dentist
Profesioni i dentistit, përfshirë asistentin e dentistit etj, është votuar si profesioni më i pashëndetshëm pasi dentistët gjithmonë janë të ekspozuar ndaj sëmundjeve dhe infeksioneve që ekzaminojnë në përditshmëri.
2) Stjuardesë
Si stjuardesë, ju qëndroni në profesionin e dytë më të pashëndetshëm në botë, pasi ky profesion është vazhdimisht i ekspozuar ndaj ndotjes, sëmundjeve, infeksioneve, prerjeve të vogla, djegieve, kafshimeve apo thumbimeve, që shkaktohen gjatë shërbimit tuaj për të siguruar siguri, komoditet etj, për pasagjerët.
3) Anesteziolog
Anesteziologët jo vetëm që janë të ekspozuar ndaj sëmundjeve dhe infeksioneve të ndryshme si pjesë e punës së tyre, por gjithashtu janë të ekspozuar edhe ndaj ndotësve dhe rrezatimeve gjatë procedurave mjekësore që kanë të bëjnë me anestezikët apo qetësuesit.
4) Veterinar
Veterinarët dhe asistentët e veterinarëve janë gjithmonë duke u ballafaquar me sëmundjet e kafshëve, e kësisoj janë të ekspozuar ndaj sëmundjeve, infeksioneve, etj.
5) Pedikyrist
Gjatë proçesit të diagnostikimit, trajtimit të sëmundjeve dhe deformimeve që lidhen me këmbën e njeriut, këta ballafaqohen me një numër të madh të sëmundjeve, infeksioneve, rrezatimit dhe ndotjeve.
6) Inspektorët e imigrimit dhe doganave
Padyshim që një inspektor që merret gjatë tërë kohës me njerëz që mbajnë valixhe të ndryshme dhe gjëra tjera, është i ekspozuar ndaj shumë rreziqeve shëndetësore, përfshirë edhe sëmundjet dhe infeksionet e ndryshme.
