Katër shqiptarë janë kapur me gjysmë toni marijuanë në Hanover të Gjermanisë. Pas një muaji hetim, autoritetet gjermane zbuluan sasinë më të madhe të kapur në historinë e këtij qyteti.
Hetuesit bashkë me forcat special mësyn në ndërtesën e një fabrike, që shfrytëzohej si garazh.
Në fakt, aty kryhej trafikim droge pasi shqiptarët, tre nga Shqipëria dhe një nga Mali i Zi e ngarkonin në makina të ndryshme dhe e shpërndanin nëpër Gjermani, raporton panorama.
Në total, policia gjermane konfiskoi një sasi prej 500 kg marijuanë dhe arrestoi shtetasin nga Mali i Zi 35 vjeç dhe shqiptarët e tjerë 33, 36 dhe 39 vjeç.
Përveç, marijuanës që në treg do të kapte një vlerë prej 2 milionë euro, policia ka sekuestruar dhe 60 mijë euro cash.
Shqiptari nga Mali i Zi rezulton me precedent të mëparshëm për trafikim marijuanë. Bashkë me të u arrestua dhe vëllai i tij pasi dyshohet si i përfshirë në këtë aktivitet.
