Nuk është periudha e pikut të sezonit turistik, por Gjirokastra zgjidhet nga vizitorë të shumtë edhe në këto ditë të majit. Në rrugët e kalldrëmta të qytetit, si dhe në pazarin karakteristik, gjen turistë të huaj të ardhur nga shtete të ndryshme. Ata që zgjedhin të pushojnë në qytetin jugor shqiptar, nuk largohen pa ndaluar edhe në kalanë e Argjirosë. Ata e vlerësojnë këtë objekt si dhe bukurinë e qytetit të gurtë.
“Është një qytet fantastik. Ka një pamje të mrekullueshme të maleve. Qyteti është interesant. Kalaja është një objekt tërheqës dhe ndërtesat janë të veçanta. Më pëlqen edhe kuzhina tradicionale këtu”, shprehet një turist.
“Është një qytet i bukur. Mirësevini në Shqipëri”, shton një tjetër.
Kalaja e Gjirokastrës është ndër atraksionet më të preferuara. Në 4 muajt e parë të 2025 ka një rritje të vizitueshmërisë krahasuar me të njëjtën periudhë të një viti më parë.
Turistët shprehin interes edhe për shtëpitë karakteristike të qytetit, por edhe për objektet që ndodhen në zonat përreth qytetit.
Klan News
