Pesë të arrestuar, mes tyre një efektiv policie. Pas disa muaj hetimesh policia thotë se ka goditur një grup që merrej me trafikimin e qenieve njerëzore.
Shërbimi për Çështje të Brendshme dhe Ankesa arrestoi në flagrance efektivin e policisë i cili së bashku me 4 persona të tjerë dyshohet se kanë ndihmuar 19 shtetas të huaj për të kaluar kufirin në mënyrë të paligjshme.
Grupi i godit në Pogradec, ndërsa emigrantët ishin shtetas kurdë dhe sirianë, që po transportoheshin për në Tiranë. Nga hetimi, rezultoi se ata kishin marrë garanci nga polici i komisariatit të Elbasanit, se gjatë rrugës nuk do t’i ndalonin patrullat e policisë.
Në këtë aksion të SHÇBA-së u sekuestruan në cilësinë e provës materiale 4 automjete, aparate celularë dhe 120.000 lekë. / Opinion.al
