Eventi më i madh sportiv në kryeqytet, Maratona e Tiranës do të mbledhë të dielën 5 mijë garues. Në vitin e saj të 8-të, garës i janë bashkuar 1 mijë vrapues të huaj nga 50 vende të botës.
Elisa Baze, përgjegjëse në Drejtorinë e Sportit: Maratona është eventi më i rëndësishëm sportiv në qytet, në edicionin e saj të 8-të ka 5 mijë garues, dhe 1 mijë janë të huaj nga 50 vende të ndryshme të botës. Maratona nis në orën 9:00 dhe do të zgjasë 5 orë.
Për fituesit e 4 kategorive do të ketë edhe mbështetje financiare. Afro 500 forca të policisë bashkiake do të jenë në dispozicion për mbarëvajtjen e eventit.
Gentian Vocaj, përgjegjës i qarkullimit: Për Ditën e Maratonës do jenë rreth 500 forca të policisë bahskaike bë terren ku në bashkëpunim me policinë dhe drejtorinë do marrin masa për mbarëvajtjen e maratonës.
Ashtu si një vit më parë, në perimetrin e zhvillimit të maratonës nuk dotë lejohet qarkullimi i automjeteve.
Akset ku ndalohet qarkullimi gjatë Maratonës:
Sheshi Skënderbej
Bulevardi “Dëshmorët e Kombit”
Bulevardi i Ri
Rruga e Durrësit
Rruga e Kavajës
Rruga ‘Myslym Shyri’
Bulevardi ‘Bajram Curri’
Rruga ‘Ibrahim Rrugova’
Rruga ‘Papa Gjon Pali’
Rruga ‘Xhorxh Bush’
Të gjithë ata qytetarë që kanë makina të parkuara pranë këtyre akseve, duhet t’i zhvendosin.
“U bëjmë apel qytetarëve që kanë mjete të parkuara në këto rrugë t’i zhvendosin përpara deri para orës 20:00 të datës 19, pasi nëse mbeten aty do zhvendosen nga policia bashkiake.”
Nën moton “Run as One” synimi kryesor i maratonës është promovimi i kryeqytetit dhe një manifestim për një jetesë të shëndetshme.
